Ríkislögreglustjóri hefur nú til rannsóknar meint fjármálamisferli á Glasafrjóvgunardeild Landsspítalans. Talið er að einn starfsmaður deildarinnar hafi dregið sér fé. Honum hefur verið vikið úr starfi og þess farið á leit við um eitt hundrað fyrrverandi skjólstæðinga deildarinnar að þeir veiti leyfi til að ríkislögreglustjóra verði gefnar upplýsingar um greiðslur þeirra til deildarinnar.Umrætt misferli er talið hafa átt sér stað 2002-2004, og að starfsmaðurinn sem um ræðir hafi dregið sér milljónir króna.
Frétt birt á mbl.is 19. janúar 2006

Sjá frétt á vef ríkissjónvarpsins www.ruv.is.
Sjá frétt frá NFS á visir.is.

Kæru félagsmenn, ástæða er til þess að fagna velgengni samtakanna á síðasta ári.  Fjöldi félagsmanna hefur tvöfaldast á einu ári sem verður að teljast góður árangur og er líklegast metfjöldi skráðra félagsmanna í samtökunum. Þessari fjölgun þakkar stjórn Tilveru þá umfjöllun sem málefni okkar fékk í fjölmiðlum á síðasta ári og má þar helst nefna umræðuþáttinn Fólk með Sirrý sem og fréttaflutningi um þessi mál á árinu.

Fyrir hönd félagsmanna Tilveru og stjórnar viljum við þakka Sigríði Þorsteinsdóttur, yfirhjúkrunarfræðingi, hjá Art Medica fyrir frábærlega vel unnin stöf í þágu tæknifrjóvgunarmeðferða. Sigríður eða Sigga eins og hún hefur verið kölluð hefur stundað þessa starfsemi alveg frá því að glasafrjóvganir voru fyrst framkvæmdar á Íslandi árið 1991. Hún er einn af stofnendum þessarar starfsemi hér á landi og því einn af frumkvöðlum okkar í að koma  þessari starfsemi af stað hér á landi.
Hún er nú að láta af störfum hjá Art Medica og hefur ákveðið að hefja störf hjá St. Jósefsspítala á nýju ári. Það er mikil eftirsjá í svona góðum starfskrafti og ómetanlegt það starf sem hún hefur lagt af mörkum til þeirra sem lagt hafa mikið á sig við að reyna að eignast börn með aðstoð vísindanna.

Á myndinni hér til hægri er gjöfin sem henni var færð af stjórn Tilveru fyrir hönd félagsmanna.

Gleðileg jól og farsælt komandi ár

Kæru félagsmenn, óskabörn, aðstandendur og aðrir velunnarar
Við sendum ykkur okkar bestu óskir um fögnuð og frið á jólahátíðinni og farsæld
á komadi ári..Þökkum hlýjan hug, stuðning og góðar stundir á liðnu ári.
Við vonumst til að næsta ár færi okkur öllum hamingju og að
draumar okkar fái að rætast.

Með kærri jólakveðju
Tilvera