Sem fyrr komu flest börnin frá Kína eins og verið hefur frá því ættleiðingar hófust þaðan til Íslands í maí 2002. Á árinu 2004 komu þaðan 22 börn, allt stúlkubörn. Er það sami fjöldi barna og ættleidd voru frá Kína á árinu 2003. Á síðasta ári vor einnig ættleidd 7 börn frá Indlandi og 1 barn frá Kólumbíu.

Þótt ættleiðingum barna af erlendum uppruna hafi fjölgað mjög á undanförnum tveimur árum, eru þær ekki hátt hlutfall af fjölgun Íslendinga, því hér á landi fæðast um 4.100 börn á ári. Þetta er heldur ekki mikill fjöldi ættleidra barna miðað við ættleiðingar á öðrum Norðurlöndum. Á Íslandi nema ættleiðingar um 7,3 af hverjum 1000 fæddum börnum og hefur það hlutfall hækkað úr 4,3 frá árinu 1998. Á öðrum Norðurlöndum er hlutfallið hins vegar á bilinu 9 til 10, þannig að íslendingar yrðu ekki jafnokar annarra norðurlandaþjóða í ættleiðingum barna af erlendum uppruna fyrr en hingað færu að koma um 40 börn á ári, miðað við óbreytta fæðingartíðni.
Upplýsingar fengnar af vefsíðunni www.aettleiding.is